بسم الله الرحمن الرحيم
زوجه بـــاعـــــــــت زوجـــــــها ب10 آلاف دينار كويتي( قصه حقيقية)
--------------------------------------------------------------------------------
السلام عليكم ورحمة الله وبركاته
هلا بالغاليات
شلونكم ؟؟؟
عندنا وحده بالكويت
بنت خير ونعمه ومو متزوجه وبغت العفه والستر وبالحلال
فقالت لرفيجاتها
اللي تزوجني والله اعطيها 10 الاف دينار كويتي ( 120 الف ريال)( 30 الف دولار)
قامو البنات يدللون على اخوانهم و عيال عمهم
وما صار نصيب
فكرت وحده من البنات بفكره
راحت لزوجها وقالت له اشرايك تتزوجها وتطلقها بعد فتره
واخذ انا 5 الاف وانت 5 الاف ؟؟؟
طبعا زوجها رفض رفضا باااااااااااتا
وضحك عليها وعلى خبالها
لكنها اصرت عليه
والسبب انها واثقه جدا من جمالها وحب زوجهالها
وما تظن ان ممكن وحده تصك عليها
المهم صارت تحن وتحن على زوجها
لما قال لها انا فكرت ولقيت فكرتج مقبوله
وخطبت البنت
والبنت وافقت
وتمت الملكه
فجاء الزوج
واعطى زوجته المبلغ الكامل
قالت له : لا حبيبي
بالنصيفه
رد عليها : خليهم لج شبعي فيهم
انتي بعتيني وهي شرتني
روحي وانتي طاااااااااااااالق
شفتو عاد (( من حفر حفرةً لأخيه وقع فيها ))