بينونه
يـعـل نـور بانت امزونه
يسقي الظفرة ويرويـهــا
لـيـن يزخر عشب بينونه
والـغـدر تسقي سواقيهــا
والـرمـل يعشب و يرعونه
والـبـدو تزهي مبانيــها
ويـسقي م الغيث في السونه
شـرق و الـوديـان ييريها
والـجـبـل تـدفق اركونه
و يملي القيعان ياريهـــا
والـغـضـى تتنقل اظعونه
لـي هـموم القلب يشفيـها
وإن عرض يمشي على هونه
بـيـس بـالـدنـيا ومافيها
هـو دعـاها النفس ممحونه
و الـطـبيب اللي يشافيهـا
مـحـترم والناس يحضونه
لـي وصـوفه نافل فيــها
نـطـقته وان يات موزونه
مـن صـخاوة نفس يفضيها
و الـمـلاحـه فـيه مكنونه
مـن لبوب الوشي يكسيـها